الخميس، 18 يونيو، 2009

انا زهقانه

انا زهقانه اوى وزهقت من كل حاجه الدنيا دى غريبه مافيهاش حاجه عدله بقينا فى زمن مايعلم بيه الا ربنا بجد احنا فى زمن الغلاء والوباء والظلم والافتره ع الناس والنصب والغش وكل حاجه وحشه فى الزمن دة مافيش حد عندة رحمه ولا قلب هو اكيد فى ناس عندها رحمه وطيبه وقلب وكل حاجه كويسه بس قليل اوى يعنى فى ناس كويسين بس الوحشين اكتر انا زهقانه قولت اعمل مدونه افضفض فيها اصل مش لاقيه حد افضفض معاها زى ماهكتب فى المدونه شوفوا بقى اصل ايه البنات صحابى تقريبا كلهم خلاص اللى اتجوزت واللى اتخطبت وما بقتش الاقى حد اتكلم معاه وكمان فى ايه الزفته اللى جنبنا اتجوزت والنيله التانيه اتخطبت وكل اللى يشوفنى سألنى سؤال انا بضايق منه انتى اتخطبتى ياشيماء وانا اضحك بضيقه طبعا انتو عارفين الضحه دى وقول لا لسه لما اتخطب انتى اول واحدة اعزمها وكل يوم والتانى حد يعزمنى يأما ع الخطوبه يأما ع الجواز وانا الحد دلقتى ولا اتخطبت ولا اتجوزت وفى الاخر بقول الحمد لله عشان ربنا يبقى راضى عنى مش هاقول غير كدة بس انا بحب افضفض أوم ايه اتكلم تانى ولا زهقتوا منى ماعرفتوش اللى حصل ادة بجد مش عارفين ادة ازاى دى كل الناس عارفه انتوا نايمين فى الكهف ازاى الحد دلوقتى ماتعرفوش خلاص هاقولكم أقول خلاص هاقول عشان ماتزهؤش منى الاسبوع سبع ايام هههههههههههه اكيد اتضايقتوا منى بس قولت بدل النكت اللى عماله اكتبه قولت اضحكم شويه أوم ايه التليفزيون وزهقت منه والنت وزهقت منه والخروج مازهقتش منه بس انا مش بعرف انى اخرج كل يوم ليه قولوا ليه عشان اللى هنا عندى بيضيقوا ويزعقوا من الخروج اللى كل يوم اصل انا مش بيتوتيا انا بحب الخروج اوى وكمان انا خلصت تدريس من سنتين وانا زى ما انا ولا اشتغلت ولا اتخطبت وكمان اصلا البلد دى فقر مافيهاش شغل كله ضحك ع الدؤن قولوا ليه اصل جربت أوم ايه امسك الوسيط وادور على حاجه مناسبه واروح اقدم يقولولى نبقى نتصل بيكى وان حد يعبرنى ويتصل ابدا انا الحمدلله مبسوطين يعنى محتاجه للشغل عشان اتسلى وازداد خبرة فى مجالى واتعرف على ناس جديدة واشوف خلق ناس جديدة يعنى وشوش سمحه الواحد يشوفها على الصبح عشان فى وشوش الواحد زهق منها ههههههههههه ف ايه عايزة اشوف وشوش جديدة والعريس خايف من ايه مش راضى يجى يخبط على الباب على فكرة الباب مش بيكهرب تعالى وخبط ماتخفش ههههههههههه انا امورة . انا بهزر هو فى عرسان كتيير جت بس مافيش حد فيهم مناسب بس ايه اللى مضايقنى ان فى ناس بصالى ويقولوا يختى البت شيماء لسه قاعدة ماتعرفيش اتخطبت ولا لا اصلها بتدلع الكلام كتير وان والله ولا بدلع ولا غيرة هو لو فيه عريس مناسب هاقول لا ليه هاوافق ع طول بس مافيش حد مناسب .ماعرفتوش الخبر الجديد انا هاقول ع طول عشان ماحدش يضايق منى رمضان قرب خلاص هههههههههه . ياجماعه انا عايزة انصح البنات اللى زهقانه زى اوعى تعملى حاجه غلط وتقولى اصلى زهقانه لا وحاولى ماتتعرفيش على شباب من النت عشان مايصحش هوانتى تعرفى اللى انتى بتكلميه ما يمكن يكون متجوز او مش محترم يبفى ليه وممكن تقعى ف مشكله وبدل الزهق يبقى زهقين دىنصيحه من اختكم عايزة اشوف التعليقات وردوا عليا . واكيد هاكتب تانى . اوعوا تنسوا يابنات فى شباب بتبقى عمله بنات فخلوا بالكم اوعوا تنسوا عند حد ههههههههههه.......